Les cours

Tamsertit tettili mi ara d mlilen sin imesla. Yiwen ger sin-nni ikeccem deg wayeḍ, ttaken-d s umata imesli ussid.

Amyag d aferdis d-yesskanayen tigawt nexdem, taɣara neɣ addad n kra tɣawsa. Amyag yebḍa ɣef sin isufar : amyag amagnu d wemyag n tɣara.

Arbib d awal i d-yeskanayen ayla, taɣara, neɣ kra n ṣṣifa yellan deg yisem. Tigti n yerbiben ttusilɣen seg yemyagen n tɣara, imi d ineggura-agi i d-yeskanayen taɣara n tɣawsa.

Amernu d awal yellan d armeskil. D awal yettbeddilen anamek n wemyag neɣ n yisem.

Anagar sin yismawen imezwura, nesseqdac ismawen n wemḍan i d-yekkan si taɛrabt. Ma yella d ismawen n tmaziɣt, ttwaseqdacen kan di kran n waẓiyen am Itergiyen, Icelḥiyen, Imẓabiyen...

Nesseqdac-iten i wakken a d-nesken neɣ a nwehhi ɣer kra n tɣawsa.

Arbib (adjectif)

Arbib d awal i d-yeskanayen ayla, taɣara, neɣ kra n ṣṣifa yellan deg yisem. Tigti n yerbiben ttusilɣen seg yemyagen n tɣara, imi d ineggura-agi i d-yeskanayen taɣara n tɣawsa. Llan wiyaḍ tekken-d seg yemyagen imugna.

Imedyaten :
izwiɣ → azeggaɣ
ibrik → aberkan
imlul → amellal
ikmil → akemlan
imɣur → ameqqran
iwzil → awezlan
ilwiɣ → aleggɣan
ḥircew → aḥercaw
iziḍ → aziḍan
icbiḥ → acebḥan
dderɣel → aderɣal
llaẓ → amellaẓu

Arbib yeṭṭafar ilugan i nesseqdac i yisem ama di tawsit, addad neɣ amḍan.

Asuddes seg wemyag n tɣara

• S usegri n an

a. Imyagen yesɛan snat n telqafin (radicales) : VCVC → aCVCan
Imedyaten :
iẓid → aẓidan
aẓay → aẓayan
uzur → azuran

b. Imyagen yesɛan talɣa iC1C2iC3 (talɣa n wurmir: C1eC2C2iC3) → aC1eC2C3an
Imedyaten :
ibrik → aberkan
izdig → azedgan
iɣzif → aɣezfan
imɣur → ameqqran (ɣɣ → qq [qqw] ; anɣi ur yettwaru ara)

• Imyagen yesɛan talɣa iC1C2iC3 (talɣa n wurmir temgarred ɣef C1eC2C2iC3) → aC1eC2C2aC3

Imedyaten :
imlul → amellal
ismiḍ → asemmaḍ
izwiɣ → azeggaɣ (ww → gg [ggw] ; anɣi ur yettwaru ara)

• Imyagen yesɛan talɣa iC1C2iC3 (talɣa n wurmir C1C2aC3) → aC1C2aC3an

Imedyaten :
ihriw → ahrawan (amahraw)
irẓig → arẓagan (amerẓagu, amerẓag)

Tamawt :
Llan kra n yemyagen yesɛan, ugar n talɣa n werbib i d-nebder, talɣiwin nniḍen.
Amedya :
iẓid → aẓidan, imiẓid, amẓiẓdan, amẓuẓdan
ibrik → aberkan, imsibrik

Asuddes seg wemyag amagnu

• S usizwer n am neɣ im

Imedyaten :
mḥejwer → amḥejwer
truzi → ametruzi
cihwi → imcihwi
agad → amagad

• S usegri n an

Imedyaten :
qqar → aquran
cib → aciban
kkaw → akiwan
fuḥ → afuḥan

• Talɣiwin nniḍen

a. am/im → eCCi
Imedyaten :
cuḥḥ → imceḥḥi
ḍerr → amḍerri
xlu → imexli

b. am—i
Imedyaten :
zux → amzuxi

c. aCCaCaC
Imedyaten :
ḥrured → aḥrarad
zmumeg → azmamag
ḥdiqer → aḥdaqar

d. a—aC
Imedyaten :
dderɣel → aderɣal
zzelmeḍ → azelmaḍ

e. CCeC → ameCCuC
Imedyaten :
sleb → ameslub
rbeḥ → amerbuḥ

f. CCeC → uCCiC
Imedyaten :
ḍfer → uḍfir
ḥrec → uḥric
kref → ukrif
zmer → uzmir

g. CCeC → ameCCaCu
Imedyaten :
ḍɛef → ameḍɛafu (neɣ uḍɛif)
zleg → amezlagu (neɣ uzlig)

Ayen ilaqen a t-nissin ɣef werbib

Di tira arbib yeṭṭafar ilugan n yisem. Ayen i ilaqen a t-nissin di temsirt-agi, d ilugan usuddes n yerbiben ama seg yemyagen n tɣara neɣ seg yemyagen imugna. Asuddes n yerbiben nezmer a t-neḥwiǧ di tjerrumt anda i ilaq ad nissin amek ara d-nessufeɣ arbib seg wemyag neɣ amyag seg werbib.

  • Arbib d awal i d-yeskanayen ayla, taɣara, neɣ kra n ṣṣifa yellan deg yisem. Tigti n yerbiben ttusilɣen seg yemyagen n tɣara, imi d ineggura-agi i d-yeskanayen taɣara n tɣawsa. Llan wiyaḍ tekken-d seg yemyagen imugna.
arbib d acu i d-yesskan
amcic aberkan yesskanay-d llun n wemcic neɣ taɣara-s.
argaz amufay yesskanay-d ṣṣifa n wergaz.
ččiɣ tifelfelt d tamujjuṭ yesskanay-d addad n tfelfelt i ččiɣ.
  • Arbib yeṭṭafar ilugan i nesseqdac i yisem ama di tawsit, addad neɣ amḍan.
    amedya :
    aquran, taqurant, uquran, tqurant, iquranen, tiquranin.
    awraɣ, wewraɣ, tawraɣt, tewraɣt, iwraɣen, tiwraɣin, tewraɣin.
  • Amek ara d-nessukkes arbib deg wemyag ?
    ilaq a nissin talɣiwin usuddes n werbib.

Iluɣma

Le contenu auquel vous souhaitez accéder est réservé aux membres inscrits.
Connectez-vous, ou créer un compte gratuitement, pour accéder :
• aux exercices (illustration, pdf, audio, ...) et quiz de chaque cours
• aux formulaires d'évalution
• au suivi de l'état d'avancement et l'évolution de votre travail

Iluɣma (sel taruḍ)

Le contenu auquel vous souhaitez accéder est réservé aux membres inscrits.
Connectez-vous, ou créer un compte gratuitement, pour accéder :
• aux exercices (illustration, pdf, audio, ...) et quiz de chaque cours
• aux formulaires d'évalution
• au suivi de l'état d'avancement et l'évolution de votre travail

Quiz

Le contenu auquel vous souhaitez accéder est réservé aux membres inscrits.
Connectez-vous, ou créer un compte gratuitement, pour accéder :
• aux exercices (illustration, pdf, audio, ...) et quiz de chaque cours
• aux formulaires d'évalution
• au suivi de l'état d'avancement et l'évolution de votre travail