tamsirt 08
Les cours
Agemmay n tmaziɣt yesɛa 32 isekkilen; yewwi-d yakk isekkilen-is si tlatinit ḥaca “ɣ” d “ɛ” i d-yekkan si tegrigit.
02. Tamsertit
Tamsertit tettili mi ara d mlilen sin imesla. Yiwen ger sin-nni ikeccem deg wayeḍ, ttaken-d s umata imesli ussid.
03. Isem
Isem amaziɣ yesɛa: asmil, tawsit, amḍan akk d waddad.
04. Amyag
Amyag d aferdis d-yesskanayen tigawt nexdem, taɣara neɣ addad n kra tɣawsa. Amyag yebḍa ɣef sin isufar : amyag amagnu d wemyag n tɣara.
Imqimen udmawanen bḍan ɣef sin yeḥricen : imqimen udmawanen ilelliyen d yemqimen udmawanen iwṣilen.
06. Arbib
Arbib d awal i d-yeskanayen ayla, taɣara, neɣ kra n ṣṣifa yellan deg yisem. Tigti n yerbiben ttusilɣen seg yemyagen n tɣara, imi d ineggura-agi i d-yeskanayen taɣara n tɣawsa.
07. Amernu
Amernu d awal yellan d armeskil. D awal yettbeddilen anamek n wemyag neɣ n yisem.
08. Amḍan
Anagar sin yismawen imezwura, nesseqdac ismawen n wemḍan i d-yekkan si taɛrabt. Ma yella d ismawen n tmaziɣt, ttwaseqdacen kan di kran n waẓiyen am Itergiyen, Icelḥiyen, Imẓabiyen...
09. Imeskanen
Nesseqdac-iten i wakken a d-nesken neɣ a nwehhi ɣer kra n tɣawsa.
Présentatifs, irbuda, imattaren...
Encore plus...
Ici une liste, non exhaustive, de sites sur différentes thématiques du domaine berbère.
Amḍan (Nombre)
Anagar sin yismawen imezwura, nesseqdac ismawen n wemḍan i d-yekkan si taɛrabt. Ma yella d ismawen n tmaziɣt, ttwaseqdacen kan di kran n waẓiyen am Itergiyen, Icelḥiyen, Imẓabiyen...
Nombres cardinaux
| amḍan | s teqbaylit | s tmaziɣt |
|---|---|---|
| 1 | yiwen / yiwet | yiwen / yiwet |
| 2 | sin / snat | sin / snat |
| 3 | tlata | kraḍ |
| 4 | rebɛa | kuẓ |
| 5 | xemsa | semmus |
| 6 | setta | sḍis, sdis |
| 7 | sebɛa | sa |
| 8 | tmanya | tam |
| 9 | tesɛa | tẓa |
| 10 | ɛecra | mraw |
| 11 | ḥdac | mraw d yiwen |
| 12 | tnac | mraw d sin |
| 13 | telṭac | |
| 14 | rbeɛṭac | |
| 15 | xmesṭac | |
| 16 | seṭṭac | |
| 17 | sbeɛṭac | |
| 18 | tmenṭac | |
| 19 | tseɛṭac | |
| 20 | ɛecrin | snat tmerwin |
| 21 | waḥed u ɛecrin | snat tmerwin d yiwen |
| 22 | tnin u ɛecrin | |
| 23 | tlata u ɛecrin | |
| 30 | tlatin | |
| 40 | rebɛin | |
| 50 | xemsin | |
| 60 | settin | |
| 70 | sebɛin | |
| 80 | tmanyin | |
| 90 | tesɛin | |
| 100 | mya | tawinest |
| 200 | mitin | snat twinas |
| 300 | telt mya | kraḍet twinas |
| 400 | rebɛ mya | |
| 500 | xems mya | |
| 600 | sett mya | |
| 700 | sebɛ mya | |
| 800 | temn mya | |
| 900 | tesɛ mya | |
| 1 000 | alef | agim |
| 2 000 | alfin | |
| 3 000 | telt alaf | |
| 1 000 000 | amelyun | |
| 2 000 000 | sin imelyan / imelyunen | |
| 1 000 000 000 | amelyar | |
| 2 000 000 000 | sin imelyaren |
Amedya :
9 520 798 612 tesɛa imelyaren u xems mya u ɛecrin imelyan u sebɛ mya u tmanya u tesɛin u sett mya u tnac
Amḍan (Nombre)
Nombres ordinaux
Anagar sin yismawen : amezwaru, aneggaru, nesseqdac i wiyaḍ yakk talɣa : wis/tis + amḍan
| amalay | unti |
|---|---|
| amezwaru | tamezwarut |
| wis sin | tis snat |
| wis tlata | tis tlata |
| wis rebɛa | tis rebɛa |
| ... | ... |
| aneggaru | taneggarut |
Fractions
Anagar isem azgen, nesseqdac talɣa : tis + amḍan
Amedya :
yeǧǧa-yas tis tlata
ur yewwiḍ ara d tis ɛecra-ines
Ayen i ilaqen a t-nissin ɣef wemḍan
- Ulac acuddu di tira n yiwen, sin, ...
amedya : sin yemcac, yiwen ufus, ... - Nettaru daɣen tis snat, tis tlata, tis rebɛa, ... mfarzan yezmer mebla acuddu
amedya : tis snat, tis tlata, ...
Yezmer ad t-naru s ucuddu
amedya : tis-snat, tis-tlata, ... - Ḥader iman-ik nettaru tis snat mačči tisnat ; wis sin mačči wissin.
- Nezmer di tira ad nessiwzel awalen-agi:
(t)amezwaru(t) ad yuɣal 1ru(t), wis sin ad yuɣal wis 2, wis 10, ... - Nesseqdac azgen (1/2) d azgen n wezgen (1/4) umi neqqar tis rebɛa.
Iluɣma
Le contenu auquel vous souhaitez accéder est réservé aux membres inscrits.
Connectez-vous, ou créer un compte gratuitement, pour accéder :