Les cours

Tamsertit tettili mi ara d mlilen sin imesla. Yiwen ger sin-nni ikeccem deg wayeḍ, ttaken-d s umata imesli ussid.

Amyag d aferdis d-yesskanayen tigawt nexdem, taɣara neɣ addad n kra tɣawsa. Amyag yebḍa ɣef sin isufar : amyag amagnu d wemyag n tɣara.

Arbib d awal i d-yeskanayen ayla, taɣara, neɣ kra n ṣṣifa yellan deg yisem. Tigti n yerbiben ttusilɣen seg yemyagen n tɣara, imi d ineggura-agi i d-yeskanayen taɣara n tɣawsa.

Amernu d awal yellan d armeskil. D awal yettbeddilen anamek n wemyag neɣ n yisem.

Anagar sin yismawen imezwura, nesseqdac ismawen n wemḍan i d-yekkan si taɛrabt. Ma yella d ismawen n tmaziɣt, ttwaseqdacen kan di kran n waẓiyen am Itergiyen, Icelḥiyen, Imẓabiyen...

Nesseqdac-iten i wakken a d-nesken neɣ a nwehhi ɣer kra n tɣawsa.

Imeskanen (Démonstratifs)

Nesseqdac-iten i wakken a d-nesken neɣ a nwehhi ɣer kra n tɣawsa.

Imeskanen bḍan ɣef sin leṣnaf :
• Imeskanen iwṣilen
• Imeskanen ilelliyen

Imeskanen iwṣilen

Zeddin ɣer yisem (neɣ ɣer werbib). Imeskanen-agi d irmeskilen: d yiwen-nsen, ama d amalay neɣ d unti, d asuf neɣ asget.

Llan tlata leṣnaf deg-sen, ilmend n wemkan n tɣawsa uɣur i nettwehhi neɣ i nra a d-nesken :

amsekan awṣil amedya
Taɣawsa  iqerben a, agi, agini - d argaz-agi i d-mlaleɣ iḍelli
- tamemmust-agi I d-bubbeɣ
- arrac-agi bɣan a ɣ-ččen !
Taɣawsa ibeɛden ihin, ihinna, inna - D iḥerqan-ihin i bɣiɣ ad aɣeɣ
Taɣawsa is ulac (absent) nni - Twalaḍ lǧehla-nni n yiḍazeryen

Imeskanen ilelliyen

Imeskanen ilelliyen d imqimen ttusseqdacen weḥd-sen. Llan daɣen tlata leṣnaf ilmend n wemkan n tɣawsa iɣef nettmeslay (i nebɣa a d-nesken).

asuf asget amedya
amalay unti amalay unti
taɣawsa iqerben wa, wagi, wagini ta, tagi, tagini wi, wigi, wigini ti, tigi, tigini wa *** wa yestufa
taɣawsa ibeɛden wihi, wihinna thin, tihinna wihid, wihida, wihidak, widak inna, wigad inna, widak ihin, wigad ihin tihid, tihida, tihidak, tidak inna, tigad inna, tidak ihin, tigad ihin am wihin i bɣiɣ a k-aɣeɣ
taɣawsa is ulac (absent) win, winna tin, tinna wid, wid nni, widak, widak nni, wigad, agad, igad, wigad nni tid, tid nni, tidak, tidak nni, tigad, tigad nni win i turew yemma-s a d-yenṭeq